Öd kisəsi iltihabına təbii çarə

? ÖD KİSƏSİ İLTİHABINA TƏBİİ ÇARƏ ?

Öd kisəsi qarın boşluğunun sağ tərəfində qara ciyərin altında yerləşir. Öd kisəsinin əsas funksiyası qara ciyər tərəfindən istehsal olunan ödün yığılması və saxlanılmasıdır. Həzm prosesi zamanı öd 12 barmaq bağırsağına ifraz olunur və burada piylərin həzmində iştirak edir.

? Öd kisəsi həzm proseslərində çox əhəmiyyətli rol oynayır və bu səbəbdən onun iltihabı insanın ümumi vəziyyətinə çox mənfi təsir edir. Öd kisəsinin iltihabı "xolesistit" adlandırılır. Qadınlarda kişilərlə müqayisədə bu xəstəlik 5 dəfə çox müşahidə olunur.

? Xolesistit kəskin və xroniki ola bilər. Kəskin xolesistit zamanı əksər hallarda öd kisəsində və onun axarlarında konkrementlər (daşlar) əmələ gəlir. Daşlar öd axarlarına düşdükdə ödün öd kisəsindən axması prosesi pozulur.

? Xroniki xolesistit zamanı öd kisəsində öd daşları əmələ gəlmir, lakin bu heç də o demək deyil ki, bu forma təhlükəli deyil. Xroniki xolesistit istənilən zaman kəskinləşə bilər.

♻️ Xolesistitin simptomları:
- sağ tərəfdə ağırlıq hissi,
- küt ağrılar (ağrı kürəyə və qola yayılır),
- iştahanın pozulması,
- həzm proseslərin pozulmaları,
- gəyirmə (ağızda acı dad),
- ürəkbulanması,
- nadir hallarda qusma,
- sarılıq (insanın dərisi və selikli qişaları sarımtıl rəng alır).

ℹ️ Öd kisəsi iltihabı zamanı da ilk öncə konsultasiya edərək daxili orqanların ümumi vəziyyətini aşkarlayıb, sonra problemə uyğun müalicə və ya profilaktika proqramı təyin edirik. Ən əsası bu prosedurlar heç bir orqana ziyan vurmadan, tam təbii şəkildə həyata keçirilir.