Dərialtı gənələr, ləkə, səpkilər və onların üz dərisində törətdiyi fəsadlar bir çoxlarını, xüsusən gəncləri narahat edir. Bəziləri bunu yeniyetməlik dövründə yaranan səpgilərlə qarışıq salırlar. Dərialtı gənələr dedikdə, dərinin özündə olan demodeks adlı gənələr başa düşülür. Bu gənələr demək olar ki, insanların 50-60 faizində var. Dəridə həddindən artıq yağlılıq, zədələnmə olarsa, onların fəaliyyəti artır.
? Bunun nəticəsində həmin gənələr səpkilər yaratmağa başlayırlar. Dərialtı gənələrin əsas əlaməti isti mühitdə dərinin qaşınmasıdır. Ola bilər ki, kimsə analiz versin və müəyyən olunsun ki, onun dərisi altında gənə (ləkə, səpki) var. Amma bu gənələr həmin şəxsə heç bir narahtlıq vermirsə, bu, həmin şəxsdə demodekoz xəstəliyinin olmasına heç bir əsas vermir.
? Dəriyə düzgün qulluq edilmədikdə gənə inkişaf etməyə başlayır və üzdəki yağın ifraz olunması yolu ilə qidalanır. Demodekoz üçün yaş fərqi yoxdur. Hər bir yaş qrupunda buna rast gəlmək mümkündür. Lakin gənc xanımların üz dərisi daha çox yağlı olduğuna görə əsasən onlarda müşahidə olunur.
? Sızanaq – tük follikulları və piy vəzlərinin mürəkkəb xəstəliyidir. Follikulların və piy vəzlərinin axacaqlarının piy və ölmüş dəri hüceyrələrilə tıxanması zamanı adi sızanaqlar yaranır. Əgər follikullar açıq olarsa, tıxaclar qara nöqtə kimi görsənir və açıq sızanaq adlanır. Sızanaqlar bağlı da olur, yəni dəri səthi ilə əlaqəsi olmur. Belə sızanaqlar ağ rəngdə olur.
ℹ️ Dərialtı ləkə və səpkilər zamanı ilk öncə konsultasiya edərək problemin daxildən kökünü aşkarlayıb, sonra həmin problemə uyğun müalicə və ya profilaktika proqramı təyin edirik. Ən əsası bu prosedurlar heç bir orqana ziyan vurmadan, tam təbii şəkildə həyata keçirilir.
